Էդուարդ Սպերցյան, Եղիշե Մելիքյան, լրտեսային պատմություն. Սեմշովի բացահայտումը

Ռուսաստանի հավաքականի նախկին ֆուտբոլիստ Իգոր Սեմշովը «РБ Спорт» հետ զրույցում մեկնաբանել է «Կրասնոդարի» կիսապաշտպան Էդուարդ Սպերցյանի անսպասելի հայտնվելը թիմի մեկնարկային կազմում ՌՊԼ-ի 23-րդ տուրի՝ «Ախմատի» դեմ խաղում (1:0):

Ավելի վաղ, Հայաստանի հավաքականի գլխավոր մարզիչ Եղիշե Մելիքյանը հայտարարել էր, որ Էդուարդ Սպերցյանի վնասվածքից ապաքինումը կտևի մոտավորապես երկու շաբաթ:

«Խաղից առաջ Սպերցյանի վնասվածքի մասին «լրտեսական պատմությունը» շատ բնորոշ թեմա է այն իմաստով, որ անիմաստ է նման վնասվածքները գնահատել խաղից առաջ:

Ասում էին, թե Էդուարդը բաց կթողնի երկու շաբաթ և հաստատ չի խաղա ոչ միայն «Ախմատի», այլև «Դինամոյի» հետ Գավաթում և նույնիսկ «Զենիթի» հետ, և հանկարծ նա դուրս է գալիս մեկնարկային կազմում: Ըստ երևույթին, ամեն ինչ այնքան էլ լուրջ չէր:

Խաղը Սպերցյանի համար ծանր էր ստացվում, դա նկատելի էր: Վնասվածքի լրջության մասին մենք կարող ենք դատել նրանով, թե արդյոք Էդուարդը կխաղա այսօր «Դինամոյի» դեմ մրցավեճում»,- ասել է Սեմշովը:

Այսօր՝ ապրիլի 8-ին, «Կրասնոդարը» հյուրընկալվելիս կխաղա Մոսկվայի «Դինամոյի» հետ՝ FONBET Ռուսաստանի Գավաթի ՌՊԼ-ի ուղու եզրափակիչի առաջին հանդիպման շրջանակում: