Ով չի ցատկում, նա մուսուլման է. Մադրիդի Ռեալի երկրպագուների վանկարկումները կդառնա՞ն կարգապահական վարույթի պատճառ (տեսանյութ)

Մադրիդի «Ռեալի» երկրպագուները Չեմպիոնների լիգայի քառորդ եզրափակիչի՝ «Բավարիայի» հետ խաղից առաջ (1:2) մուսուլմաններին ուղղված վանկարկումներ են հնչեցրել։

Սոցիալական ցանցերում տեսանյութ է հայտնվել, որտեղ մի խումբ երկրպագուներ հանդիպման օրը «Սանտյագո Բեռնաբեու» մարզադաշտի մոտ վանկարկում են. «Ով չի ցատկում, նա մուսուլման է»։

Ավելի վաղ նմանատիպ վանկարկումներ էին հնչեցրել Իսպանիայի հավաքականի երկրպագուները Եգիպտոսի հավաքականի հետ ընկերական խաղի ժամանակ (0:0)։ ՖԻՖԱ-ն այդ միջադեպի առնչությամբ կարգապահական վարույթ էր սկսել Իսպանիայի ֆուտբոլի ֆեդերացիայի նկատմամբ։