Հոգեբանական ճնշում և սադրանքներ. Ինչպե՞ս է Ատլետիկոն պատրաստվում չեզոքացնել Յամալին ու դեղինի արժանացնել վերջինիս

Չեմպիոնների լիգայի քառորդ եզրափակիչի առաջին խաղում Մադրիդի «Ատլետիկոյի» գլխավոր մարզիչ Դիեգո Սիմեոնեն հատուկ տակտիկա է մշակել «Բարսելոնայի» վինգեր Լամին Յամալի դեմ։ Sport.es-ի տեղեկություններով՝ «Ատլետիկոյի» խաղացողները հրահանգ են ստացել սադրել 18-ամյա ֆուտբոլիստին՝ նպատակ ունենալով նրան «արժանացնելու» դեղին քարտի։

Եթե Յամալը դիմակայության առաջին խաղում ստանա զգուշացում՝ դա կլինի 5-րդը ՉԼ-ի ընթացիկ խաղարկությունում։ ՈւԵՖԱ-ի կանոնակարգի համաձայն՝ դա կհանգեցնի ավտոմատ որակազրկման պատասխան հանդիպման համար։ «Ատլետիկոյի» մարտավարությունը ներառում է ինտենսիվ հսկողություն, հանդիպման մեկնարկում խախտումներ՝ եզրում և հոգեբանական ճնշում։

Խաղը կկայանա այսօր՝ ապրիլի 8-ին և կմեկնարկի 23:00-ին։ Այս մրցաշրջանում թիմերը բոլոր մրցաշարերում միմյանց հետ հանդիպել են 4 անգամ, որոնցից երեքում հաղթել է «Բարսելոնան»։