Ռուսաստանի գավաթ․ Մոսկվայի Դինամոն ու Կրասնոդարը հաղթողին չպարզեցին․ Սպերցյանը մասնակցեց ամբողջ հանդիպմանը

Ռուսաստանի գավաթի խաղարկության «փոքր եզրափակիչի» առաջին խաղում Մոսկվայի «Դինամոն» ընդունել էր «Կրասնոդարին»։ Գրանցվեց գոլազուրկ ոչ-ոքի։ Հիմնական ժամանակին ավելացված 2-րդ րոպեին Ալեքսանդր Չերնիկով հեռացվեց խաղադաշտից՝ հյուրերին թողնելով 10 հոգով։

Հայաստանի ազգային հավաքականի ավագ Էդուարդ Սպերցյանն ընդգրկված էր «Կրասնոդարի» մեկնարկային կազմում ու մասնակցեց ամբողջ հանդիպմանը։ Պատասխան խաղը կկայանա մայիսի 5-ին։

Ռուսաստանի գավաթի խաղարկության «սուպերզրափակիչին» մասնակցում են «փոքր եզրափակիչների» հաղթող թիմերը, որոնք վճռորոշ խաղին մասնակցելու իրավունք ձեռք բերելու համար «անցնում են» տարբեր ճանապարհներ։ ՌՊԼ-ում հանդես եկող թիմերը վիճարկում են «սուպերեզրափակիչի» 1-ին ուղեգիրը, իսկ մյուս դիվիզիոններում հանդես եկող թիմերը՝ 2-րդ ուղեգիրը։ ՌՊԼ-ի ուղով պայքարից դուրս մնացած թիմերը կարող են պայքարը շարունակել 2-րդ ուղով։

«Սուպերեզրափակիչի» մյուս ուղեգիրը կվիճարկեն Մոսկվայի ԲԿՄԱ-ն ու «Զենիթ»/«Սպարտակ» զույգի հաղթողը։