AS-ը բացահայտել է Ալվարո Արբելոայի և Ռաուլ Ասենսիոյի միջև կոնֆլիկտի պատճառը

Մադրիդի «Ռեալի» գլխավոր մարզիչ Ալվարո Արբելոայի և պաշտպան Ռաուլ Ասենսիոյի միջև կոնֆլիկտ է ծագել այն բանից հետո, երբ ֆուտբոլիստը իմացել է, որ չի ընդգրկվել Չեմպիոնների լիգայի 1/8 եզրափակչի՝ «Մանչեսթեր Սիթիի» դեմ մարտի 11-ին (3-0) կայացած առաջին խաղի մեկնարկային կազմում:

 AS-ի փոխանցմամբ՝ ֆուտբոլիստը կարծում էր, որ արժանի է մեկնարկային կազմում լինել՝ նախորդ մրցաշրջանում «Սիթիի» դեմ իր լավ խաղի շնորհիվ։

Աղբյուրի համաձայն՝ Ասենսիոն անձամբ իր դժգոհությունն է հայտնել Արբելոային, ինչը մարզիչը ընկալել է որպես ոչ կարգապահ պահվածք: Զրույցի ընթացքում 23-ամյա պաշտպանը նշել է, որ մի քանի անգամ խաղացել է վնասվածքներով, քանի որ մյուս խաղացողները հասանելի չեն եղել։

Շեշտվում է, որ Ասենսիոն ավելի ուշ ներողություն է խնդրել «Ռեալի» մարզչից, բայց ավելի շատ խաղաժամանակ չի ստացել: «Ռեալի» խաղացողի ապագան ակումբում ներկայում անորոշ է: