Հակոբյանի ու Բարսեղյանի գոլային փոխանցումները չօգնեցին իրենց թիմերին

Սլովակիայի առաջնության չեմպիոնական շրջանի 5-րդ տուրում «Սլովանն» ընդունել էր Տրնավայի «Սպարտակին»։ Հանդիպումն ավարտվեց 2։2 հաշվով։ 

Հայաստանի ազգային հավաքականի նախկին ֆուտբոլիստ Տիգրան Բարսեղյանն ընդգրկված էր տանտերերի մեկնարկային կազմում ու մասնակցեց ամբողջ հանդիպմանը։ 86-րդ րոպեին Բարսեղյանն աչքի ընկավ գոլային փոխանցմամբ։

Տուրի մյուս խաղում «Պոդբրեժովան» ընդունել էր «Ժիլինային» ու զիջեց 1։5 հաշվով։

Հայաստանի երիտասարդական հավաքականի ֆուտբոլիստ Դավիթ Հակոբյանն առաջին անգամ ընդգրկվել էր «Պոդբրեժովայի» մեկնարկային կազմում ու 51-րդ րոպեին դարձավ գոլային փոխանցման հեղինակ՝ գրանցելով 1-ին արդյունավետ գործողությունը Սլովակիայի առաջնության ընթացիկ մրցաշրջանում։ 67-րդ րոպեին Հակոբյանը փոխարինվեց։

«Սլովան» 2։2 «Սպարտակ Տրնավա»
54' Սվետոզար Մարկովիչ, 86' Ռահիմ Իբրահիմ - 28' Հիլարի Գոնգ, 82' Լուկա Խորխելի

«Պոդբրեժովա» 1։5 «Ժիլինա»
51' Բարսա Մրվալյևիչ - 55', 87' Մարկո Ռոգինիչ, 63' Դանի Հոմետ, 65' Միրոսլավ Կաչեր, 82' Տիմոտեյ Հրանիցա