Սալահի վերջին գոլերից մեկն Էնֆիլդում ու Նգումոհայի թարմացրած ռեկորդը․ Լիվերպուլը հաղթեց Ֆուլհեմին (տեսանյութ)

Անգլիայի Պրեմիեր լիգայի 32-րդ տուրում «Լիվերպուլն» ընդունել էր «Ֆուլհեմին» ու հաղթեց 2։0 հաշվով։

Հանդիպման հաշիվը բացեց Ռիո Նգումոհան՝ 36-րդ րոպեին։ Նա դարձավ «Լիվերպուլի» ամենաերիտասարդ ֆուտբոլիստը, որը գոլ է խփել «Էնֆիլդում»` 17 տարեկան 225 օրական հասակում։ Նգումոհան գերազանցեց Ռահիմ Ստերլինգի 2012 թվականի հոկտեմբերին գրանցած ցուցանիշը։ Անգլիացին գրավել էր «Ռեդինգի» դարպասը 17 տարեկան 317 օրական հասակում։ 

40-րդ րոպեին «Լիվերպուլի» 2-րդ գոլը հեղինակեց Մուհամեդ Սալահը, որը հայտարարել է մրցաշրջանի ավարտից հետո ակումբը լքելու մասին։

Այս հաղթանակից հետո Առնե Սլոթի գլխավորած թիմը 52 միավորով 5-րդ տեղում է։ «Ֆուլհեմը» 44 միավորով 11-րդն է։