Յանիկ Սիները՝ Մոնտե-Կառլոյի Մասթերսի հաղթող․ Իտալացին կրկնեց Ջոկովիչի ու Նադալի տպավորիչ ցուցանիշը

Մոնտե-Կառլոյում ընթացող «Մասթերսի» եզրափակիչում իտալացի Յանիկ Սիները 2։0 հաշվով առավելության հասավ իսպանացի Կառլոս Ալկարասի նկատմամբ։

1-ին սեթում Ալկարասը 1-ինն էր բրեյք կատարել ու առաջ էր հաշվում, սակայն Սիները կարողացավ հետ բերել կորցրածն ու խաղը տեղափոխել թայ-բրեյք, որտեղ իտալացին սեթբոլի ժամանակ մանկական սխալ թույլ տվեց, բայց ավելի անսպասելի էր Ալկարասի սեփական մատուցման ժամանակ կրնակի սխալը, որը սեթի արժեք ունեցավ իսպանացու համար։

2-րդ սեթում կրկին Ալկարասը բրեյք կատարեց, սակայն Սիների պատասխան բրեյքը չուշացավ։ 5 գեյմ անընդմեջ հաղթելով, իտալացին սեթում առավելության հասավ 6։3 հաշվով՝ հռչակելով մրցաշարի հաղթող։

Մինչ եզրափակիչ հասնելը Յանիկ Սիները պայքարից դուրս էր թողել Ալեքսանդր Զվերևին, Ֆելիքս Օժյե-Օլյասիմին, Թոմաշ Մախաչին և Ուգո Հումբերտին։

Իտալացին հաղթեց 4-րդ անընդմեջ «Մասթերսում»: Նախկինում նա տիտղոսներ էր նվաճել Փարիզում, Ինդիան Ուելսում և Մայամիում: Նա հաղթել է այս կարգի մրցաշարերի 22 անընդմեջ խաղում, իսկ ընդհանուր առմամբ՝ վերջին 18 խաղում:

1990 թվականին, «Մասթերսների» «ի հայտ գալուց» ի վեր, միայն Նովակ Ջոկովիչին և Ռաֆայել Նադալին էր հաջողվել հաղթել 4 չորս տիտղոս անընդմեջ: Նախկինում միայն Ջոկովիչն էր 2015-ին հաղթել մրցաշրջանի առաջին 3 «Մասթերսները»:

Այժմ 24-ամյա իտալացին ունի 27 տիտղոս, որոնցից 8-ը նա նվաճել է «Մասթերսներում»: