Կրասնոդարը 2018 թվականից ի վեր չի հաղթել Զենիթին Սանկտ-Պետերբուրգում

Ռուսաստանի Պրեմիեր լիգայի 24-րդ տուրում «Կրասնոդարը» և «Զենիթը» ոչ-ոքի՝ 1:1 հաշվով են ավարտել հանդիպումը։ Խաղը տեղի է ունեցել Սանկտ Պետերբուրգի «Գազպրոմ Արենա» մարզադաշտում։ Հատկանշական է, որ «Ցուլերը» 2018 թվականից ի վեր չեն հաղթել «Զենիթին» վերջինիս խաղադաշտում:

Վերջին անգամ «Կրասնոդարը» «Զենիթին» հյուրընկալվելիս հաղթել է 2018 թվականի ապրիլի 7-ին՝ 2:1 հաշվով։ Այդ ժամանակվանից ի վեր թիմերը հինգ անգամ ոչ-ոքի են խաղացել, հինգ անգամ էլ հաղթել է Սանկտ Պետերբուրգը ներկայացնող ակումբը։

ՌՊԼ 24 տուրից հետո «Զենիթը» 52 միավորով զբաղեցնում է մրցաշարային աղյուսակի երկրորդ տեղը։ «Կրասնոդարը» 53 միավորով առաջինն է։ Հաջորդ տուրում Սերգեյ Սեմակի թիմը կմրցի Մախաչկալայի «Դինամոյի» հետ (ապրիլի 19-ին)։ Նույն օրը Մուրադ Մուսաևի թիմը կխաղա «Բալտիկայի» դեմ։