Արթուր Ալեքսանյանը մեկ ամիս բուժումներ է ստացել Գերմանիայում. Արմեն Բաբալարյան (տեսանյութ)

Հայաստանի ըմբշամարտի հավաքականի գլխավոր մարզիչ Արմեն Բաբալարյանն այսօր լրագրողների հետ զրույցում հայտնել է, որ Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի, Եվրոպայի 7-ակի չեմպիոն, Եվրոպական խաղերի չեմպիոն Արթուր Ալեքսանյանը բուժում է ստացել Գերմանիայում, իսկ հիմա գորգի վրա է՝ փորձելով բարելավել վիճակը:

Ալբանիայում ապրիլի 20-26-ը կայանալիք ըմբշամարտի Եվրոպայի առաջնության 97 կգ քաշայինների պայքարում Հայաստանը կներկայացնի Հայկ Խլոյանը:

«Հայկն այսօր իր մարզավիճակի ամենաբարձր մակարդակի վրա է, իսկ Արթուրը հիմա գորգի վրա է, բուժվել է Գերմանիայում, մեկ ամիս բուժումներ է ստացել, հիմա եկել է, փորձում է կարգավիճակը բարելավել: Նա հիմա գտնվում է բուժումների մեջ, բայց պարապում է. բաց է թողնելու միայն այս Եվրոպայի առաջնությունը»,- ասել է Արմեն Բաբալարյանը:

Մանրամասները՝ Sportmedia.am-ի տեսանյութում:

Արմեն Բաբալարյանը խոսել է նաև ԵԱ-ի նախապատրաստական ընթացքի մասին: Տեսանյութը՝ Sportmedia-ի էջում:

Հայաստանի ըմբշամարտի ֆեդերացիան ավելի վաղ ներկայացրել էր Հայաստանի ազատ և հունահռոմեական ոճի ըմբշամարտի հավաքականների կազմերն ապրիլի 20-26-ն Ալբանիայի մայրաքաղաք Տիրանայում կայանալիք ըմբշամարտի Եվրոպայի առաջնությունում: