Ամեն ինչ կանեմ՝ 5-րդ ոսկե մեդալը նվաճելու համար. Մալխաս Ամոյանը՝ Եվրոպայի առաջնության մասին (տեսանյութ)

Հունահռոմեական ոճի ըմբշամարտի աշխարհի կրկնակի, Եվրոպայի քառակի չեմպիոն, Օլիմպիական խաղերի բրոնզե մեդալակիր Մալխաս Ամոյանը լրագրողների հետ զրույցում կիսվել է Ալբանիայում ապրիլի 20-26-ը կայանալիք Եվրոպայի առաջնությունից ունեցած սպասելիքներով:

«Լավ հավաքներ ենք անցկացրել, սա արդեն հինգերորդ հավաքն է, փառք Աստծո գտնվում եմ լավ մարզավիճակում, իսկ թե որքանով եմ պատրաստ և ինչի եմ արժանի, արդեն մրցագորգը ցույց կտա:Պատասխանատվությունս էլ ավելի է ծանրանում, քանի որ Եվրոպայի գործող չեմպիոնի կարգավիճակում եմ մեկնելու մրցավայր, բոլորն ավելի տրամադրված են քո դեմ, էլ ավելի պատրաստված, այդ իսկ աստիճանաբար ավելի դժվար է, բայց կփորձեմ ամեն ինչ անել, որ կարողանամ հինգերորդ ոսկե մեդալը նվաճել»,- ասել է Մալխաս Ամոյանը։

Մանրամասները՝ Sportmedia.am-ի Instagram-ի էջում:

Հայաստանի ըմբշամարտի ֆեդերացիան ավելի վաղ ներկայացրել էր Հայաստանի ազատ և հունահռոմեական ոճի ըմբշամարտի հավաքականների կազմերն ապրիլի 20-26-ն Ալբանիայի մայրաքաղաք Տիրանայում կայանալիք ըմբշամարտի Եվրոպայի առաջնությունում: