Ալեքսանյանն ինձ համար պատմության ամենաուժեղ 97 կգ քաշայինն է. Հայկ Խլոյան (տեսանյութ)

Ըմբիշ Հայկ Խլոյանը, որն Ալբանիայում ապրիլի 20-26-ը կայանալիք Եվրոպայի առաջնությունում հանդես կգա 97 կգ քաշային կարգում, խոսել է Արթուր Ալեքսանյանին փոխարինելու և առաջնությունից ունեցած սպասելիքների մասին:

«Պարտավորեցնում է, որովհետև Արթուրն արդեն մեկ տասնյակից ավելի է, որ միայն հաղթում է: Ինձ համար նա ամենաուժեղ 97 կգ քաշայինն է պատմության մեջ: Ճիշտ է՝ պատասխանատու է, որ այդ քաշում եմ հանդես գալիս, դժվար կլինի իր հետևից նոր արդյունքներ կրկնելը, բայց պետք է փորձել»,- ասել է Խլոյանը։

Մանրամասները՝ Sportmedia.am-ի տեսանյութում:

Հայաստանի ըմբշամարտի ֆեդերացիան ավելի վաղ ներկայացրել էր Հայաստանի ազատ և հունահռոմեական ոճի ըմբշամարտի հավաքականների կազմերն ապրիլի 20-26-ն Ալբանիայի մայրաքաղաք Տիրանայում կայանալիք ըմբշամարտի Եվրոպայի առաջնությունում: