Ռեալը համակերպվել է Լա Լիգան պարտվելու հետ, բայց վստահ է՝ կհաղթի Բավարիային

Մադրիդի «Ռեալում» հաշտվել են այն մտքի հետ, որ Լա Լիգայի տիտղոսը ձեռքից բաց է թողնված, հաղորդում է The Athletic-ը:

Առաջնության ավարտից 7 տուր առաջ «Բարսելոնան» 9 միավորով առաջ է պոկվել «արքայական ակումբից»: Չնայած նրան, որ թիմերը պետք է հանդիպեն Նոու Կամպում, մայրաքաղաքում չեմպիոնության շանսեր չեն տեսնում:

Լրիվ այլ տրամադրություն է Չեմպիոնների լիգայի վերաբերյալ: Գլխավոր մարզիչ Ալվարո Արբելոան և նրա շտաբը վստահ են, որ թիմն ի վիճակի է հաղթել «Բավարիային» Չեմպիոնների լիգայի 1/4 եզրափակիչի պատասխան խաղում և դուրս գալ հաջորդ փուլ:

Սանտյագո Բերնաբեուում կայացած առաջին խաղում «Ռեալը» սեփական հարկի տակ պարտվել է 1:2 հաշվով: Ապրիլի 15-ին թիմերը կմրցեն Մյունխենում:

Մադրիդյան ակումբում հասկանում են, որ «Բավարիայից» հնարավոր պարտությունը կնշանակի երկու մրցաշրջան անընդմեջ մնալ առանց տիտղոսների: Դա կարող է ակումբում լուրջ փոփոխությունների պատճառ դառնալ: