Մենք ֆանտաստիկ էինք, բաց մեր բախտը չբերեց․ Ֆլիկը՝ ՉԼ-ում պայքարը լքելուց հետո

«Բարսելոնայի» գլխավոր մարզիչ Հանսի Ֆլիկը մեկնաբանել է Չեմպիոնների լիգայի քառորդ եզրափակիչում Մադրիդի «Ատլետիկոյի» հետ դիմակայության արդյունքում (0:2, 2:1) իր գլխավորած թիմի պայքարից դուրս մնալը։

«Մենք հիասթափված ենք: Ունեինք բազմաթիվ պահեր. հնարավորություն կար հաշիվը դարձնելու 3:0, բայց արդյունքում գոլ բաց թողեցինք: Մենք իսկապես հիասթափված ենք:

Մենք ֆանտաստիկ հանդիպում անցկացրինք: Խաղն ավարտեցինք տասը հոգով, բայց թիմն ուղղակի հիասքանչ էր: Ես իսկապես բարձր եմ գնահատում այն, ինչ տեսա այսօր: Մեր բախտը պարզապես չբերեց: Այդպես պատահում է, պետք է ընդունել դա:

Սա ֆուտբոլ է, որտեղ ամեն ինչ որոշում են մանրուքները: Պետք է որոշ բաներ բարելավել, բայց մտածելակերպը, վերաբերմունքը… թիմը ներդրեց իր ողջ ուժերը: Սա հենց այն է, ինչ մենք ցանկանում ենք տեսնել: Տղաները ֆանտաստիկ աշխատանք կատարեցին, սակայն մեզ չհաջողվեց հասնել ցանկալի արդյունքի»,- ասել է «Բարսելոնայի» գլխավոր մարզիչը: