Եվրոպայի առաջնություն. Երկու հայեր ընդամենը կես միավորով են հետ առաջատարից

Լեհաստանի Կատովիցե քաղաքում շարունակվում է 2026 թվականի շախմատի Եվրոպայի անհատական առաջնությունը:

Հայ գրոսմայստերներ Շանթ Սարգսյանը և Հայկ Մարտիրոսյանը 7 հնարավորից ունեն 5.5 միավոր և կիսում են 5-րդ հորիզոնականը, գրում է Chessfed.am-ը:

Մրցաշարի առաջատարներն են Այդին Սուլեյմանլին, Նիկոլոզի Կաչարավան, Յան Մալեկը և Դավիդ Անտոն Գիխարոն, ովքեր ունեն 6 միավոր:

Հայ շախմատիստներից 5 միավորով առաջատարների շարքում են նաև գրոսմայստերներ Ռոբերտ Հովհաննիսյանը և Էմին Օհանյանը:

Գրոսմայստերներ Մամիկոն Ղարիբյանը, Մանուէլ Պետրոսյանը, միջազգային վարպետներ Արսեն Դավթյանը, Վահե Սուքիասյանը, Արթուր Դավթյանը, Ռոբերտ Փիլիպոսյանը, ինչպես նաև ՖԻԴԵ-ի վարպետ Տիգրան Համբարձումյանը ունեն 4.5 միավոր։

Գաբրիել Սարգսյանը ունի 4 միավոր:

8-րդ խաղափուլը կմեկնարկի ապրիլի 15-ին՝ ժամը 17:00-ին: