Ռաֆինյա. Գողացված խաղ էր

«Բարսելոնայի» հարձակվող Ռաֆինյան քննադատել է մրցավարությունը Չեմպիոնների լիգայի 1/4 եզրափակիչում «Ատլետիկոյի» հետ դիմակայությունում կրած պարտությունից հետո (0:2, 2:1)

Պատասխան մրցավեճում թիմերը մրցում էին Մադրիդի «Մետրոպոլիտանո» մարզադաշտում: Գլխավոր մրցավարն էր ֆրանսիացի Կլեման Տյուրպենը:

«Ինձ համար սա գողացված խաղ էր: Մրցավարությունը ոչ միայն խնդրահարույց էր, այլ նրանց որոշումներն ուղղակի անհավատալի էին: «Ատլետիկոն» բազմաթիվ խախտումներ կատարեց, բայց մրցավարը նրանց ոչ մի դեղին քարտ ցույց չտվեց: Տեսնում եմ նրանց վախը «Բարսելոնայի» հաղթանակից:

Ծանր էր, հատկապես երբ տեսնում ես, որ խաղը հաղթելու համար եռակի ավելի շատ ջանքեր են պահանջվում: Ես հասկանում եմ, որ կարելի է սխալվել մեկ խաղում, բայց երկու անգամ անընդմե՞ջ»,- DAZN-ի հետ զրույցում ասել է բրազիլացին: