Տոտենհեմը միավորներ կորցրեց ու շարունակում է մնալ վտանգավոր գոտում (տեսանյութ)

Անգլիայի Պրեմիեր լիգայի 33-րդ տուրում «Տոտենհեմն» ընդունել էր «Բրայթոնին»։ Գրանցվեց ոչ-ոքի՝ 2։2 հաշիվը։

Հանդիպման հաշիվը բացեց Պեդրո Պորոն՝ 39-րդ րոպեին։ Մինչ ընդմիջման գնալը Կաորու Միտոման վերականգնեց հաշվի հավասարությունը։ 77-րդ րոպեին Խավի Սիմոնսը կրկին առաջ մղեց տանտերերին, բայց հիմնական ժամանակին ավելացրած 5-րդ րոպեին Ջորջինյո Ռուտերը փրկեց «Բրայթոնին» պարտությունից։

Այս խաղից հետո «Տոտենհեմը» 31 միավորով 18-րդ տեղում է։ «Բրայթոնը» 47 միավորով 9-րդն է։

Օրվա մյուս խաղերում «Բրենտֆորդն» ու «Ֆուլհեմը» գոլազուրկ ոչ-ոքի խաղացին։ «Լիդսը» 3 անպատասխան գնդակ ուղարկեց «Վուլվերհեմփթոնի» դարպասը, իսկ «Նյուքասլը» սեփական հարկի տակ 1։2 հաշվով զիջեց «Բորնմութին»։