Լուկաս Սելարայանը գոլային փոխանցման հեղինակ է դարձել՝ ճանաչվելով հանդիպման լավագույն ֆուտբոլիստ (տեսանյութ)

Արգենտինայի առաջնության 10-րդ տուրում «Բելգրանո դե Կորդոբան» հյուրընկալել էր «Բարրակաս Ցենտրալին»։

Հանդիպումն ավարտվեց 1։1 հաշվով։ Հայաստանի ազգային հավաքականի կիսապաշտպան Լուկաս Սելարայանն ընդգրկված էր իր թիմի մեկնարկային կազմում և մասնակցեց ամբողջ հանդիպմանը՝ դառնալով գոլային փոխանցման հեղինակ։ Այն կարող եք դիտել մեր թելեգրամյան ալիքում։

Սելարայանը SofaScore-ի կողմից արժանացել է 8,1 գնահատականի՝ ճանաչվելով հանդիպման լավագույն ֆուտբոլիստ։ 

Այս հանդիպումից հետո «Բելգրանոն» 10 միավորով 19-րդ տեղում է։

Հիշեցնենք, որ Լուկասն ընտանեկան խնդիրների պատճառով չի միացել Հայաստանի ազգային հավաքականին և չի կարողանա օգնել թիմին Վրաստանի դեմ կայանալիք խաղերում։