ԵԱ․ Մարտին Պողոսյանի արդյունքը պոկում վարժությունից հետո

Վրաստանի Բաթումի քաղաքում ընթացող ծանրամարտի Եվրոպայի առաջնության 79 կգ քաշային տղամարդկանց պայքարում Հայաստանի ներկայացուցիչ Մարտին Պողոսյանը պոկում վարժությունից հետո 10-րդն է։

Պողոսյանն առաջին մոտեցմամբ բարձրացրեց 148 կգ, 2-րդը մոտեցումը ձախողեց, իսկ 3-րդ մոտեցմամբ ֆիքսեց 152 կգ-անոց ծանրաձողը։

Հրում վարժության առաջին մոտեցման համար հայ ծանրորդը նախնական պատվիրել է 180 կգ, որը 3-րդ արդյունքն է։ 

Նշենք, որ այս քաշային կարգում ելույթ է ունենում նաև Գևորգ Սերոբյանը, որը ներկայացնում է Ռուսաստանը։ Սերոբյանը պոկումում գրանցել է լավագույն ցուցանիշը՝ 161  կգ։ Հրումի համար նա պատվիրել է 176 կգ։

Հիշեցնենք, որ ավելի վաղ Հայաստանի ներկայացուցիչներից արծաթե մեդալ էին նվաճել Գառնիկ Չոլաքյանը, Ալեքսանդրա Գրիգորյանը, Գոռ Սահակյանը։