Խվիչայի դուբլն ու Դուեի գոլը հաղթանակ պարգևեցին ՊՍԺ-ին

Ֆրանսիայի առաջնության 26-րդ տուրում ՊՍԺ-ն ընդունել էր «Նանտին» ու հաղթեց 3։0 հաշվով։

11-րդ րոպեին Մարկինյոսը վաստակեց 11-մետրանոցը, որը դիպուկ իրացնելով Խվիչա Կվարացխելիան բացեց հանդիպման հաշիվը։ 37-րդ րոպեին աչքի ընկավ Դեսիրե Դուեն՝ մեծացնելով իր թիմի առավելությունը։ Հանդիպման վերջակետը դրեց Խվիչան՝ 50-րդ րոպեին ձևակերպելով դուբլ։

Այս հաղթանակից հետո Լուիս Էնրիկեի գլխավորած թիմը 66 միավորով գլխավորում է մրցաշարային աղյուսակն ու ունի 4 միավորի առավելություն 2-րդ տեղով ընթացող «Լանսից»։ «Նանտը» 20 միավորով նախավերջին՝ 17-րդ տեղում է։