10 հոգով մնացած Ատլետիկոն պարտվեց Էլչեին

Իսպանիայի առաջնության 33-րդ տուրում Մադրիդի «Ատլետիկոն» հյուրընկալվել էր «Էլչեին» ու զիջեց 2։3 հաշվով։

Խաղի հաշիվը 10-րդ րոպեին բացեց Նիկո Գոնսալեսը։ 8 րոպե անց Դեյվիդ Աֆենգրուբերը վերականգնեց հաշվի հավասարությունը։ 32-րդ րոպեին Թիագո Ալմադան կորցնելով գնդակը սեփական տուգանային հրապարակում վերջին հույսի խախտում կատարեց, իսկ Անդրե Սիլվան, դիպուկ իրացնելով 11-մետրանոցը, առաջ մղեց «Էլչեին»։

Սիլվայի գոլից 1 րոպե անց Գոնսալեսը դուբլ ձևակերպեց՝ 2։2։ 75-րդ րոպեին դուբլ ձևակերպելու հերթը Անդրե Սիլվայինն էր, որի 2-րդ գոլը հաղթանակ պարգևեց «Էլչեին»։

Այս խաղից հետո «Ատլետիկոն» 57 միավորով 4-րդ տեղում է։ «Էլչեն» 35 միավորով 14-րդն է։