Մարզումներիս գրանցած կիլոգրամներով կարող էի չեմպիոն դառնալ․ Մարտին Պողոսյան

Ծանրամարտի Եվրոպայի առաջնությունում բրոնզե մեդալ նվաճած Մարտին Պողոսյանը խոսել է իր մրցելույթի մասին․

«Մրցակցությունն այնպես էր դասավորվել, որ կարող էր նույնիսկ չեմպիոնություն ձեռք բերել, սակայն չստացվեց։ Չեմ հուսահատվում, մյուս մրցումներին կաշխատեմ այնպես անել, որ Հայաստանի օրհներգը հնչի։

Իմ պարապմունքին գրանցած կիլոգրամներով կարող էի չեմպիոնություն ձեռք բերել, սակայն չստացվեց։ Ոչ մի խանգարող հանգամանք չկար, ուղղակի ինձ թվում է, օրը չէր։ Աստված առաջ, ամեն բան լավ կլինի»,-նշել է Պողոսյանը ՀԾՖ-ի հետ զրույցում։

Հիշեցնենք, որ 20-ամյա ծանրորդը պոկում վարժությունից հետո 152 կգ արդյունքով միայն 10-րդն էր։ Հրում վարժությունում Պողոսյանը, եթե կարողանար ֆիքսել 190 կգ կշռող ծանրաձողը՝ կհռչակվեր չեմպիոն։

Լուսանկարը՝ Հայաստանի ծանրամարտի ֆեդերացիայի