Ծանրամարտի ԵԱ․ Աննա Ամրոյանը նվաճեց փոքր ոսկե մեդալ․ ՏԵՍԱՆՅՈՒԹ

Բաթումիում ընթացող ծանրամարտի Եվրոպայի առաջնության կանանց 77 կգ քշաային կարգում Հայաստանի ներկայացուցիչ Աննա Ամրոյանը  զրո ստացավ պոկում վարժությունում,  իսկ հրում վարժությունում ցույց տալով 136 կգ արդյունք՝ նվաճեց փոքր ոսկե մեդալ: 

Նույն քաշային կարգում Հայաստանի մյուս ներկայացուցիչ Ալինա Սուքիասյանը պոկում վարժությունում ցույց տվեց 100 կգ, հրում վարժությունում՝ 120 կգ արդյունք ու երկամարտի 220 կգ արդյունքով զբաղեցրեց 17-րդ տեղը։ 

Հիշեցնենք, որ Հայաստանի հավաքականները Եվրոպայի առաջնությանը մասնակցում են 16 ծանրորդով՝ 8 տղամարդ, 8 կին: Հայաստանի հավաքականից երկամարտի արծաթե մեդալ են նվաճել Գառնիկ Չոլաքյանը, Ալեքսանդրա Գրիգորյանը և Գոռ Սահակյանը։ Բրոնզե մեդալի է արժանացել Մարտին Պողոսյանը։  Ռաֆիկ Հարությունյանը զբաղեցրել է 7-րդ տեղը, Իզաբելլա Յայլյանը զբաղեցրել է 9-րդ, Տանզելա Գրիգորյանը՝ 6-րդ տեղը։

Տեսանյութը՝ Sportmedia.am-ի ֆեյսբուքյան էջում։