ԵԱ․ Ալիխանյանը սփոփիչ գոտեմարտ կանցկացնի, Մարգարյանը լքեց պայքարը

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնությունում պայքարի մեջ մտած 79 կգ քաշային Հրայր Ալիխանյանը սփոփիչ գոտեմարտ կանցկացնի ուկրաինացի Վիտալի Մալենկովի հետ։

Հայ ըմբիշը պայքարը սկսել էր որակավորման փուլից, որտեղ 0։6 հաշվով զիջել էր Ռուսաստանի ներկայացուցիչ Ախմեդ Ուսմանովին։ Վերջին, հասնելով եզրափակիչ, Ալիխանյանին տվեց հնարավորություն պայքարելու բրոնզե մեդալի համար։ Սփոփիչ գոտեմարտում հաղթելու պարագայում «բրոնզե եզրափակիչում» Ալիխանյանի մրցակիցը կլինի Ֆրանսիան ներկայացնող Զելիմխան Խաջիևին։

Հայաստանի մյուս ներկայացուցիչ 70 կգ քաշային Դավիթ Մարգարյանը մեկնարկում 3։6 հաշվով զիջեց ուկրաինացի Օլեքսեի Բորուտային, որը կիսաեզրափակիչում 2։9 հաշվով պարտվեց Դավիդ Բայևին։

Հիշեցնենք, որ 57 կգ քաշային Մանվել Խնձրցյանն ու 65 կգ քաշային Վազգեն Թևանյանը զիջեցին կիսաեզրափակիչում ու կպայքարեն բրոնզե մեդալների համար։

Վաղը պայքարի մեջ կմտնեն 61 կգ քաշային Արսեն Հարությունյանը, 74 կգ քաշային Նարեկ Հարությունյանը, 92 կգ քաշային Մուշեղ Մկրտչյանն ու 125 կգ քաշային Խաչատուր Խաչատրյանը։