ԵԱ․ Հարությունյանը լարված գոտեմարտում հաղթանակի հասավ, Մկրտչյանը պարտվեց

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնության 74 կգ քաշային կարգում Հայաստանը ներկայացնող Նարեկ Հարությունյանը որակավորման փուլում 5:5 հաշվով հաղթեց մոլդովացի Իոն Մարկուին ու դուրս եկավ քառորդ եզրափակիչ որտեղ կմրցի Հունգարիան ներկայացնող Մուրադ Կուրամագոմեդովի հետ։

92 կգ քաշային Մուշեղ Մկրտչյանը մեկնարկում 1։4 հաշվով զիջեց Բուլղարիան ներկայացնող Ահմեդ Բատաևին։ Վերջինիս եզրափակիչ դուրս գալու պարագայում Մկրտչյանը կստանա սփոփիչ գոտեմարտ անցկացնելու հնարավորություն։

Հիշեցնենք, որ այսօր պայքարի մեջ մտած 61 կգ քաշային Արսեն Հարությունյանը և 125 կգ քաշային Խաչատուր Խաչատրյանը մեկնարկել էին փայլուն հաղթանակներով։

Երեկ մեկնարկած 57 կգ քաշային Մանվել Խնձրցյանը, 65 կգ քաշային Վազգեն Թևանյանը և 79 կգ քաշային Հրայր Ալիխանյանը կպայքարեն բրոնզե մեդալի համար։