Հայաստանի հավաքականի ֆուտբոլիստները հյուրընկալել են հաշմանդամություն ունեցող երկրպագուների

ՈՒԵՖԱ-ի գործընկեր CAFE - Centre for Access to Football in Europe -ի կազմակերպության թվով 13-րդ #totalaccess Week of Action համաեվրոպական միջոցառումների շրջանակում հաշմանդամություն ունեցող երկրպագուները, կազմակերպության ներկայացուցիչ, ՀՖՖ Գործադիր կոմիտեի անդամ Գոհար Նավասարդյանի նախաձեռնությամբ, հյուրընկալվել են Ֆուտբոլի ակադեմիայում և ներկա գտնվել ազգային հավաքականի մարզման:

Այս մասին հայտնում է ՀՖՖ մամուլի քարտուղարությունը:

Ազգային հավաքականի ֆուտբոլիստներն իրենց ստորագրություններով մարզաշապիկներ են նվիրել երկրպագուներին և լուսանկարվել են նրանց հետ: