Կազմն ամբողջական է. ՀՖՖ-ն հավաքականի մարզումից լուսանկարներ է հրապարակել

Ֆուտբոլի Հայաստանի ազգային հավաքականը շարունակում է նախապատրաստվել ՈւԵՖԱ Ազգերի լիգայի 2024/2025 թթ. խաղարկության անցումային փլեյ-օֆֆ փուլի՝ Վրաստանի հավաքականի հետ առաջիկա հանդիպմանը:

ՀՖՖ մամուլի քարտուղարությունն այսօրվա մարզումից լուսանկարներ է հրապարակել՝ նշելով, որ կազմն ամբողջական է:

Հիշեցնենք՝ վերջինը հավաքականին միացել են Գեորգի Հարությունյանը և Վահան Բիչախչյանը:



Հայաստանի հավաքականը Ջոն վան’տ Սխիպի գլխավորությամբ առաջին հանդիպումը կանցկացնի մարտի 20-ին՝ սեփական հարկի տակ ընդունելով Վրաստանի ազգային թիմին: Խաղը կկայանա Վ. Սարգսյանի անվան «Հանրապետական» մարզադաշտում և կմեկնարկի ժամը 21:00-ին:

Թիմերի միջև պատասխան հանդիպումը կկայանա մարտի 23-ին Թբիլիսիում: