Ալաշկերտն ընդհատեց Նոայի հաղթարշավը (տեսանյութ)

Fastex Պրեմիեր լիգայի 23-րդ տուրում «Ալաշկերտն» ընդունել էր «Նոային»։ Գրանցվեց 1։1 հաշիվը։

80-րդ րոպեին Կարեն Նալբանդյանի անհատական անցումից ու սուր անկյունից կատարած փոխանցումից աչքի ընկավ Մոմո Տուրեն։ Հիմնական ժամանակի ավարտից 1 րոպե առաջ Իմրան Ուլադ Օմրանը գեղեցիկ հարվածով վերականգնեց հաշվի հավասարությունը։

Այս հանդիպմամբ ընդհատվեց առաջնությունում «Նոայի» «չոր» հաշվով հաղթանակների վեց խաղյա շարքը։

Այսպիսով, Սանդրո Պերկովիչի գլխավորած թիմն այս մրցաշրջանում չկարողացավ հաղթել «Ալաշկերտին»՝ գրանցելով 1 պարտություն (0:2) և 2 ոչ-ոքի (2:2, 1:1):

Այս խաղից հետո «Ալաշկերտը» 43 միավորով 3-րդ տեղում է։ «Նոան» 42 միավորով 4-րդն է։

Հիշեցնենք, որ տուրի մեկնարկային խաղում ԲԿՄԱ-ն 2։1 հաշվով հաղթել էր «Վանին», «Փյունիկը» նույն հաշվով առավելության էր հասել «Ուրարտուի» նկատմամբ։

18։00-ին կմեկնարկի «Արարատ-Արմենիա»-«Արարատ» հանդիպումը։ Տուրը կեզրափակվի վաղը կայանալիք «Գանձասար»-«Շիրակ» խաղով։ Մեկնարկը՝ 16։00-ին։