Հրայր Ալիխանյանը պարտվեց բրոնզե մեդալի համար գոտեմարտում

Տիրանայում ընթացող ազատ ոճի ըմբշամարտի Եվրոպայի առաջնության 79 կգ քաշային կարգում Հայաստանը ներկայացնող Հրայր Ալիխանյանը բրոնզե մեդալի համար գոտեմարտում 1։11 հաշվով զիջեց Ֆրանսիան ներկայացնող Զելիմխան Խաջիևին։

Ալիխանյանը որակավորման փուլում 0։6 հաշվով պարտվել էր Ախմեդ Ուսմանովին, իսկ սփոփիչ գոտեմարտում 10։0 հաշվով առավելության էր հասել ուկրաինացի Վիտալի Մալենկովի նկատմամբ։

Այսօր բրոնզե մեդալ են նվաճել 57 կգ քաշային Մանվել Խնձրցյանը և 65 կգ քաշային Վազգեն Թևանյանը։

Վաղը «բրոնզե» եզրափակիչում կտեսնենք 61 կգ քաշային Արսեն Հարությունյանին, իսկ 92 կգ քաշային Մուշեղ Մկրտչյանն ու 125 կգ քաշային Խաչատուր Խաչատրյանը սփոփիչ գոտեմարտեր կանցկացնեն։