Գանձասարը սուպերքամբեք կատարեց Շիրակի դեմ խաղում (տեսանութ)

Fastex Պրեմիեր լիգայի 23-րդ տուրի վերջին խաղում «Շիրակը» հյուրընկալվել էր «Գանձասարին» ու առաջին կեսից հետո հաղթում էր 2 գնդակի առավելությամբ։

Հանդիպման հաշիվը 21-րդ րոպեին բացել էր Ռաֆիկ Միսակյանը։ 43-րդ րոպեին Նարեկ Ջանոյանը կրկնապատկել էր գյումրեցիների առավելությունը, սակայն երկրորդ կեսում «Գանձասարի» ֆուտբոլիստները կարողացան երեք գնդակ հեղինակել ու հաղթանակի նժարը թեքել իրենց կողմը։

Նախ 78-րդ րոպեին աչքի ընկավ Աննան Մենսահը։ 10 րոպե անց հաշվի հավասարությունը վերականգնեց Մայքլ Քուարկոււն, իսկ հիմնական ժամանակին ավելացրած 4-րդ րոպեին Արման Խաչատրյանը հաղթանակ պարգևեց «Գանձասարին»։

Այս հաղթանակից հետո Կարեն Բարսեղյանի գլխավորած թիմը վաստակեց 21 միավոր ու 8-րդ տեղում է։ Կապանցիները միավորների քանակով հավասարվեցին ԲԿՄԱ-ին, որը 7-րդն է։ «Շիրակը» 12 միավորով նախավերջին՝ 9-րդ տեղում է։

Հիշեցնենք, որ տուրի մյուս խաղերում ԲԿՄԱ-ն 2։1 հաշվով հաղթել էր «Վանին», «Փյունիկը» նույն հաշվով առավելության էր հասել «Ուրարտուի» նկատմամբ, «Ալաշկերտն» ու «Նոան» մեկական գնդակ էին փոխանակել, իսկ «Արարատ-Արմենիան» չորս անպատասխան գնդակ էր ուղարկել «Արարատի» դարպասը։