ԵԱ․ Արսեն Հարությունյանը՝ բրոնզե մեդալակիր

Տիրանայում ընթացող ազատ ոճի ըմբշամարտի Եվրոպայի առաջնության մրցումային վերջին օրը 61 կգ քաշային Արսեն Հարությունյանը 7։2 հաշվով հաղթեց բելառուս Դմիտրի Շամելային ու նվաճեց բրոնզե մեդալ։

Հարությունյանը պայքարը սկսել էր որակավորման փուլից, որտեղ 11։0 հաշվով ջախջախել էր Հյուսիսային Մակեդոնիան ներկայացնող Վլադիմիր Եգորովին։ Քառորդ եզրափակիչում Եվրոպայի քառակի չեմպիոնը 11։1 հաշվով պարտության էր մատնել ուկրաինացի Կամիլ Կերիմովիմ, իսկ կիսաեզրափակիչում տուշեով զիջել էր Տոկիոյի Օլիմպիական խաղերի հաղթող, աշխարհի եռակի չեմպիոն Զավուր Ուգուևին։

Հիշեցնենք, որ ազատ ոճի Հայաստանի հավաքականի կազմում բրոնզե մեդալներ էին նվաճել 57 կգ քաշային Մանվել Խնձրցյանն ու 65 կգ քաշային Վազգեն Թևանյանը։ 79 կգ քաշային Հրայր Ալիխանյանը զիջել էր 3-րդ տեղի համար գոտեմարտում, իսկ 92 կգ քաշային Մուշեղ Մկրտչյանը պարտվել էր սփոփիչ գոտեմարտում։

Քիչ անց նույն հարգի մեդալի համար կպայքարի նաև 125 կգ քաշային Խաչատուր Խաչատրյանը։

70 կգ քաշային Դավիթ Մարգարյանը ու 74 կգ քաշային Նարեկ Հարությունյանը վաղաժամ լքել էին պայքարը։