Դավիթ Չալոյանը՝ բռնցքամարտի աշխարհի գավաթի արծաթե մեդալակիր

Բռնցքամարտի աշխարհի փոխչեմպիոն, աշխարհի առաջնության բրոնզե մեդալակիր, գերծանր քաշային (90+) Դավիթ Չալոյանն արծաթե մեդալ է նվաճել Բրազիլիայում անցկացվող բռնցքամարտի աշխարհի գավաթի խաղարկությունում:

Չալոյանը երեք հաղթանակ տանելով դուրս էր եկել եզրափակիչ, որտեղ մենամարտել է Ադրբեջանի ներկայացուցիչ Մահամադ Աբդուլաևի հետ և զիջել մրցակցին:

Աշխարհի գավաթի խաղարկությունն անցկացվելու է երեք փուլով։ Բրազիլիայում տեղի ունեցած առաջին փուլում 1/8 եզրափակիչ դուրս եկած բռնցքամարտիկները կշարունակեն պայքարը երկրորդ փուլում, որը կկայանա Չինաստանում։ Եզրափակիչ փուլը կանցկացվի Տաշքենդում։