Մենք հարևաններ ենք, բայց վաղը խաղադաշտում թեժ պայքար եմ ակնկալում․ Վրաստանի հավաքականի գլխավոր մարզիչ
Ազգերի լիգայի B դիվիզիոնի Հայաստան-Վրաստանի դիմակայության առաջին խաղից առաջ կայացել է Վրաստանի ազգային հավաքականի գլխավոր մարզիչ Վիլի Սանյոլի մամուլի ասուլիսը։
«Նախկինում միշտ ունեցել ենք Վրաստանի առաջնությունում հանդես եկող ֆուտբոլիստներ, ովքեր նաև մասնակցել են Եվրոպայի առաջնությանը, եթե հիմա նրանք չկան, նշանակում է, պատրաստ չեն։ Բայց դա ինձ համար մեծ խնդիր չէ։ Սա դերբի է ու կարծում եմ վաղը մեզ բարդ խաղ է սպասվում։ Իմ ֆուտբոլիստները պատրաստ կլինեն վաղվա խաղին ու կանեն ամեն ինչ հաղթանակի համար։
Ծանոթ եմ Ջոն վան 'տ Սխիպին այնքանով, որ գիտեմ աշխատել է Հունաստանի հավաքականում ու «Այաքսում»։ Կարծում եմ, սա լավ նորություն է ձեզ համար։ Վերջին տարիներին Հայաստանի հավաքականը լավ է հանդես գալիս։ Իհարկե, վերջին ժամանակները Հայաստանի համար լավը չեն։ Մենք հարևաններ ենք, վայց վաղը խաղադաշտում թեժ պայքար եմ ակնկալում», - ասել է Վրաստանի հավաքականի գլխավոր մարզիչը։
Հիշեցնենք, որ հանդիպումը կկայանա վաղը՝ մարտի 20-ին, Վազգեն Սարգսյանի անվան «Հանրապետական» մարզադաշտում և կմեկնարկի 21։00-ին։
