Վաղը լավ հանդիպում է սպասվում, Երևանում ֆուտբոլային տոն է լինելու․ Վարազդատ Հարոյան
Ազգերի լիգայի B դիվիզիոնի Հայաստան-Վրաստանի դիմակայության առաջին խաղից առաջ կայացել է Հայաստանի ազգային հավաքականի գլխավոր մարզիչ Ջոն վան'տ Սխիպի ու «Փյունիկի» պաշտպան Վարազդատ Հարոյանի մամուլի ասուլիսը։
«Ճանաչում եմ Վրաստանի հավաքականին, առանձին ֆուտբոլիստներին նույնպես ճանաչում եմ։ Շնորհավորում եմ իրենց՝ նախորդ տարի Եվրոպայի առաջնությունում հաջողության համար։ Վաղը լավ հանդիպում է սպասվում, խաղալու ենք մեր հարևան երկրի դեմ։ Ֆուտբոլային եղանակ է, Հայաստանում էլ ֆուտբոլային տոն է լինելու։
Ծանոթացել ենք մարզչի հետ։ Ճիշտ է, ժամանակը քիչ է, բայց թիմը հասկացել է, թե ինչ է ուզում մարզիչը։ Նա շատ որակյալ մարդ ու մարզիչ է։ Հուսով եմ, մեծ հաջողության կհասնենք միասին։ Թիմում մթնոլորտը շատ լավն է, մոտիվացիայի պակաս չկա։ Եթե անենք այն, ինչ ուզում է մարզիչը, կարծում եմ կհասնենք հաջողության», - ասել է Հարոյանը։
