Բարսելոնան խնդրել է Իսպանիայի հավաքականին չընդգրկել Յամալին ԱԱ-2026-ի բացման խաղերի հայտացուցակում

«Բարսելոնան» դիմել է Իսպանիայի ազգային հավաքականին՝ խնդրելով չներառել վինգեր Լամին Յամալին 2026 թվականի աշխարհի առաջնության առաջին երկու խաղերի հայտացուցակում, հաղորդում է Sport.es-ը։ Յամալը վնասվածք է ստացել Իսպանիայի առաջնության 33-րդ տուրի՝ «Սելտաի» դեմ խաղում (1:0)՝ 11 մետրանոց հարված կատարելիս։ Խաղացողը լքել է դաշտը առաջին խաղակեսի վերջնամասում։

Աղբյուրի տեղեկություններով՝ «Բարսելոնայում» մտահոգված են ֆուտբոլիստի առողջական վիճակով և ցանկանում են, որ նա լիովին ապաքինվի մրցաշարից առաջ։ Եթե Յամալը պատրաստ չլինի Կաբո Վերդեի և Սաուդյան Արաբիայի դեմ խաղերին, դա կօգնի խուսափել վնասվածքի խորացման ռիսկից։

Յամալի նորամուտն աշխարհի առաջնությունում կարող է կայանալ Ուրուգվայի դեմ խաղում, սակայն վերջնական որոշումը կախված կլինի նրա վերականգնման ընթացքից։