Մադրիդ․ Սիները թայ-բրեյքում առանց միավոր տալու դուրս եկավ կիսաեզրափակիչ

Մադրիդում ընթացող «Մասթերս» շարքի մրցաշարի քառորդ եզրափակիչում աշխարհի առաջին ռակետ Յանիկ Սիները 2։0 հաշվով պարտության մատնեց 42-րդ ռակետ, իսպանացի Ռաֆայել Խոդարին։

Իտալացի թենիսիստը առաջին սեթում հաղթեց 6։2 հաշվով։ Երկրորդ սեթն ընթացավ առանց բրեյքների ու մրցախաղը, որը տևեց 1 ժամ 56 րոպե, տեղափոխվեց թայ-բրեյք, որտեղ Սիները առավելության հասավ 7։0 հաշվով։

Վիճակագրական տվյալների համաձայն, Սիները խաղում թույլ է տվել երկու կրկնակի սխալ՝ մրցակցի մեկի դիմաց, փոխարենը աշխարհի առաջին համարը կատարել է 6 էյս՝ Խոդարի 4-ի դիմաց։

Կիսաեզրափակիչի մյուս ուղեգրերը կվիճարկեն հետևյալ զույգերը․

Արթուր Ֆիլս (21, Ֆրանսիա) - Իրժի Լեհեչկա (14, Չեխիա)
Կասպեր Ռուդ (15, Նորվեգիա) - Ալեքսանդր Բլոքս (69, Բելգիա)
Ֆլավիո Կոբոլի (13, Իտալիա) - Ալեքսանդր Զվերև (3, Գերմանիա)

Հիշեցնենք, որ աշխարհի 2-րդ ռակետ Կառլոս Ալկարասը վնասվածքի պատճառով հայտարարել էր այս մրցաշարը բաց թողնելու մասին։ Իսպանացին չի մասնակցի նաև Հռոմի «Մասթերսին» ու «Ռոլան Գարոսին»։

Ռուսաստանը ներկայացնող հայ թենիսիստ Կարեն Խաչանովը պայքարը լքել էր 1/16 եզրափակիչում՝ զիջելով Յակուբ Մենշիկին։