Իմ կարիերան եղել է փառահեղ, բայց մոտենում է դրա ավարտը․ Ռոնալդու

«Ալ-Նասրի» հարձակվող Կրիշտիանու Ռոնալդուն խոստովանել է, որ կարիերան մոտենում է ավարտին։

«Կարիերաս մոտենում է ավարտին. եկեք վայելենք յուրաքանչյուր խաղ։ Իմ կարիերան եղել է փառահեղ և ես ցանկանում եմ, որ այն այդպիսին մնա նաև հետագայում։ Ես նախկինի պես հաճույք եմ ստանում, դեռ գոլեր եմ խփում, բայց ամենակարևորը հաղթանակն է։ Մենք շատ ենք ցանկանում հաղթել առաջնությունում։

Ես շարունակում եմ խաղալ ոչ միայն ներկա ու նախորդ սերունդների, այլև նրանց համար, ովքեր գալու են մեզնից հետո։ Ես վայելում եմ սա ամեն օր, խաղ առ խաղ, տարեցտարի, նույնիսկ հիմա, երբ մոտենում եմ կարիերայիս ավարտին։ Դա փաստ է»,-ասել է Ռոնալդուն «Ալ-Ահլիի» նկատմամբ հաղթանակից (2:0) հետո CanalGOATBR-ին տված հարցազրույցում։