Ցրվենա Զվեզդան Սերբիայի գավաթի խաղարկության եզրափակիչում է

Սերբիայի գավաթի խաղարկության կիսաեզրափակիչում «Ցրվենա Զվեզդան» հյուրընկալվել էր երկրորդ դիվիզիոնի (Սերբիայի Առաջին լիգայի) ներկայացուցիչ «Յեդինստվոյին» ու հաղթեց 2։1 հաշվով։

Հանդիպման հաշիվը 7-րդ րոպեին բացեց Ֆրանկլին Տեբոն։ 43-րդ րոպեին Նիկոլա Պաունովիչը վերականգնեց հաշվի հավասարությունը, սակայն 68-րդ րոպեին Բրունո Դուարտեն հաղթանակ ու եզրափակիչի ուղեգիր պարգևեց Սերբիայի նորընծա չեմպիոններին։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու փոխարինվեց 80-րդ րոպեին։

Եզրափակիչում «Ցրվենա Զվեզդայի» մրցակիցը «Վոյվոդինան» է, որը պայքարից դուրս էր թողել «Գրաֆիչարին»։