ԲԿՄԱ-ն միավորներ խլեց 10 հոգով մնացած Ալաշկերտից (տեսանյութ)

Fastex Պրեմիեր լիգայի 24-րդ տուրում «Ալաշկերտը» հյուրընկալվել էր ԲԿՄԱ-ին։ Հանդիպումն ավարտվեց 2։2 հաշվով։

Արդեն 4-րդ րոպեին Կարեն Նալբանդյանը հեռահար հարվածով բացեց հանդիպման հաշիվը՝ խփելով առաջնությունում իր 11-րդ գոլը։ Տեսանյութը՝ այստեղ։ 60-րդ րոպեին իր 11-րդ գոլը հեղինակեց նաև Մոմո Տուրեն՝ հաշիվը դարձնելով 2։0։

61-րդ րոպեին կատարած խախտման համար 2-րդ դեղին քարտը ստացավ ու խաղադաշտից հեռացվեց «Ալաշկերտի» պաշտպան Ռոբերտ Հակոբյանը։

79-րդ րոպեին Սուրեն Կիրակոսյանը կրճատեց հաշվի տարբերությունը, իսկ 2 րոպե անց Հարություն Մանուկյանը հաշիվը դարձրեց 2։2։

Այս հանդիպումից հետո «Ալաշկերտը» 44 միավորով 4-րդն է։ ԲԿՄԱ-ն 22 միավորով 7-րդն է։

Հիշեցնենք, որ տուրի մեկնարկային խաղում «Արարատը» Գյումրիում հաղթել էր «Շիրակին»։

19։00-ին կմեկնարկի «Գանձասար»-«Վան» մրցավեճը։ Վաղը կկայանան «Նոա»-«Փյունիկ» ու «Ուրարտու»-«Արարատ-Արմենիա» հանդիպումները։