Շարունակենք, քանի դեռ ուժ ունենք. Դիեգո Սիմեոնեի հուզիչ ուղերձը 1000-րդ խաղից հետո

Մադրիդի «Ատլետիկոյի» գլխավոր մարզիչ Դիեգո Սիմեոնեն կիսվել է իր տպավորություններով կարիերայի 1000-րդ հանդիպման վերաբերյալ:

Մասնագետի համար հոբելյանական դարձավ Իսպանիայի առաջնության 34-րդ տուրի «Վալենսիայի» դեմ խաղը (2:0):

«1000 հանդիպում որպես մարզիչ: Շնորհակալություն բոլորին, ովքեր եղել են կողքիս և օգնել են ինձ հասնել այս սահմանագծին՝ խաղացողներին, գործընկերներին, ղեկավարներին, երկրպագուներին՝ սկսած 2006 թվականից, երբ սկսեցի մարզչական աշխատանքը: Շնորհակալություն բոլոր պահերի, բոլոր դասերի և սիրելի գործով զբաղվելու հնարավորության համար: Շարունակենք նույն ոգով, քանի դեռ ուժ ունենք»,- գրել է Սիմեոնեն X-ի իր էջում:

Դիեգո Սիմեոնեն գլխավորել է «Ատլետիկոն» 2011 թվականի դեկտեմբերի 23-ին, նրա պայմանագիրն ակումբի հետ նախատեսված է մինչև 2027 թվականի ամառը: Մարզչի նախորդ ակումբը եղել է արգենտինական «Ռասինգը»: