Լևսկին հռչակվեց Բուլղարիայի չեմպիոն ու ընդհատեց Նոայի նախկին գլխավոր մարզչի հետ մրցաշրջանը սկսած Լյուդոգորեցի 14 անընդմեջ չեմպիոնության շարքը

Բուլղարիայի առաջնության չեմպիոնական շրջանի 2-րդ տուրում «Լևսկին» ընդունել էր Սոֆիայի ԲԿՄԱ-ին ու հաղթեց նվազագույն հաշվով՝ հռչակվելով երկրի չեմպիոն։

«Լևսկին» ընդհատեց «Լյուդոգորեցի» 14 անընդմեջ չեմպիոնական տիտղոսների շարքը:

«Լևսկիի» համար սա առաջին չեմպիոնությունն էր 2009 թվականից ի վեր: Տիտղոսների ընդհանուր քանակով նրանց գերազանցում է միայն Սոֆիայի ԲԿՄԱ-ն՝ 31 տիտղոս ընդդեմ 27-ի: «Լյուդոգորեցն» ունի 14 տիտղոս:

Հիշեցնենք, որ մրցաշրջանի մեկնարկում «Լյուդոգրեցի» գլխավոր մարզչի պաշտոնում էր «Նոային» նախկին գլխավոր մարզիչ Ռուի Մոտան, որը 2024/25 մրցաշրջանում երևանյան ակումբի հետ դարձել էր Հայաստանի չեմպիոն ու գավաթակիր ու ակումբին դուրս էր բերել Կոնֆերենցիաների լիգայի հիմնական փուլ։ Պորտուգալացի մարզիչը պաշտոնանկ արվեց Ռազգրադը ներկայացնող ակումբի գլխավոր մարզչի պաշտոնից նշանակումից 117 օր անց։ Բոլոր մրցաշարերում համակարգելով թիմի գործողությունները 23 խաղում, 47-ամյա մասնագետը տոնել էր 10 հաղթանակ, գրանցել 5 պարտություն ու 8 ոչ-ոքի։