Լրագրող. Մբապեն իրեն դավաճանված է զգում, նա կոշտ վերջնագիր կներկայացնի Ռեալին

Իսպանական լրատվամիջոցներում և սոցցանցերում լուրերի նոր ալիք է բարձրացել Մադրիդի «Ռեալի» առաջատարների՝ Կիլիան Մբապեի և Վինիսիուս Ժունիորի լարված հարաբերությունների մասին:

Լրագրող Ֆրանսուա Գալյարդոն հայտնել է, որ ֆրանսիացի հարձակվողն իրեն «դավաճանված» է զգում թիմի որոշ խաղացողների, այդ թվում՝ Վինիսիուսի կողմից: Ըստ նրա տեղեկությունների՝ Մբապեի մայրը՝ Ֆայզա Լամարին, ամռանը վերջնագիր կներկայացնի ակումբի նախագահ Ֆլորենտինո Պերեսին:

Ինչպես պնդում է Գալյարդոն, Մբապեի շրջապատը մտադիր կտրուկ պայման դնել. կա՛մ «Ռեալը» բաժանվում է Վինիսիուսից, կա՛մ թիմից հեռանում է հենց ֆրանսիացի հարձակվողը:

Այդուհանդերձ, ակումբի կամ ֆուտբոլիստների ներկայացուցիչների կողմից այս տեղեկության պաշտոնական հաստատում դեռևս չկա: Ավելի վաղ հաղորդվում էր, որ թիմակիցները դժգոհ են եղել Մբապեի վերջին ուղևորությունից դեպի Իտալիա՝ «Բարսելոնայի» դեմ կայանալիք կարևոր խաղի նախաշեմին: