Լարվածություն Մյունխենում. Բավարիայի ուլտրասները հարձակվել են ՊՍԺ-ի երկրպագուների գնացքի վրա

Մյունխենի մետրոյում միջադեպեր են տեղի ունեցել ՊՍԺ-ի երկրպագուների մասնակցությամբ՝ Չեմպիոնների լիգայի «Բավարիայի» դեմ խաղից առաջ։ 

Ինչպես հայտնում է RMC Sport-ը, մարզադաշտի մոտակայքում գտնվող «Ֆրետմանինգ» կայարանում «Բավարիայի» մոտ 60 ուլտրասներ վազել են դեպի այն գնացքը, որով երթևեկում էր ՊՍԺ-ի 15 երկրպագուներից բաղկացած խումբը։ Կոնֆլիկտին միջամտել է ոստիկանությունը։

Բացի այդ, որոշ գնացքներ, որոնցով երթևեկում էին ՊՍԺ-ի երկրպագուները, ստիպված են եղել տարհանել վագոններում ուժեղ ծխի պատճառով։ Միջադեպը տեղի է ունեցել «Ալյանց Արենայից» 7 կիլոմետր հեռավորության վրա։ Հաղորդվում է, որ երկրպագուները մարզադաշտ են հասել մեկ այլ գնացքով։ Նշվում է, որ այս դեպքը կապված չէ «Բավարիայի» ֆանատների մասնակցությամբ տեղի ունեցած միջադեպի հետ։

Պատասխան խաղի առաջին կեսն ավարտվել է փարիզյան ակումբի նվազագույն հաշվով հաղթանակով։ Դիմակայության առաջին խաղում հաղթել էր ՊՍԺ-ն՝ 5։4 հաշվով։