Գերմանիայի հավաքականի նախկին պաշտպան Զյուլեն հայտարարել է 30 տարեկանում կարիերան ավարտելու մասին

Դորտմունդի «Բորուսիայի» պաշտպան Նիկլաս Զյուլեն հայտարարել է մրցաշրջանի ավարտին կարիերան ավարտելու մասին։

30-ամյա ֆուտբոլիստը նշել է, որ վերջնական որոշումը կայացրել է Բունդեսլիգայի 30-րդ տուրի՝ «Հոֆենհայմի» դեմ խաղից (1-2) հետո, որում նա ծնկի վնասվածք էր ստացել։

«Երբ մեր թիմի բժիշկը «Հոֆենհայմի» հանդերձարանում էր (խաչաձև կապանների հնարավոր պատռվածքը ստուգելու համար), ես նայեցի ֆիզիոթերապևտին և գլուխս թափ տվեցի։ Ես պարզապես մտա ցնցուղի տակ և տասը րոպե լաց եղա։ Այդ պահին ես իսկապես մտածեցի. «Սա պատռվածք է»։

Երբ հաջորդ օրը գնացի ՄՌՏ հետազոտության և ստացա լավ լուրը (որ, ի վերջո, դա խաչաձև կապանների պատռվածք չէր), ինձ համար հազար տոկոսով պարզ դարձավ. ամեն ինչ ավարտվեց»։ Ես չէի կարող պատկերացնել ավելի վատ բան, քան անկախ լինել, արձակուրդ գնալ, ժամանակ անցկացնել երեխաներիս հետ, և հանկարծակի հայտնվել խաչաձև կապանների երրորդ պատռվածքի հետ հաշտվելուն», - Զյուլեի խոսքերն է փոխանցում «Բորուսիայի» պաշտոնական կայքը։