Ռաֆինյա. Բարսելոնայում առաջին իսկ օրվանից լուրեր էին շրջանառվում իմ՝ ակումբից հեռանալու մասին

«Բարսելոնայի» հարձակվող Ռաֆինյան պատմել է, որ մամուլը անընդհատ փորձում է իրեն վաճառել` կատալոնական ակումբին միանալուց ի վեր։

«Բարսելոնային միանալուց ի վեր` առաջին իսկ օրվանից, լուրեր են շրջանառվում ակումբից իմ հեռանալու մասին։ Կարծում եմ՝ մարդկանց դուր չի գալիս ինձ այստեղ տեսնելը։ Հատկապես մամուլին... Կա մեկ [լրագրող], որը ոչինչ չի անում, բացի ստելուց։

Նա պնդում էր, որ ես հանդիպել եմ ակումբի ղեկավարության հետ՝ քննարկելու համար, թե արդյոք կմնա՞մ, թե՞ ոչ։ Այս տղան լիակատար ստախոս է։ Ամեն անգամ, երբ նա հրապարակում է որևէ նորություն, որը ստիպված է հորինել, նա միշտ, կամ գրեթե միշտ, բացարձակապես ծիծաղելի բաներ է գրում», - Ռաֆինյայի խոսքերն է մեջբերում Mundo Deportivo-ն։

Այս մրցաշրջանում Ռաֆինյան մասնակցել է 31 խաղի բոլոր մրցաշարերում, խփել 19 գոլ և կատարել ութ գոլային փոխանցում։