Վալվերդեն որոշ ժամանակով կորցրել է հիշողությունը

Ֆեդերիկո Վալվերդեի մոտ հիշողության խնդիրներ են առաջացել Օրելյեն Չուամենիի հետ ծեծկռտուքից հետո:

Ֆուտբոլիստները ծեծկռտուք են սարքել հանդերձարանում թիմային մարզման ժամանակ. ուրուգվայցին ընկել է և հարվածել սեղանին, ինչից հետո տեղափոխվել է հիվանդանոց, որտեղ նրան անհրաժեշտ է եղել կարեր դնել: Թիմակիցները սկսել են կոնֆլիկտը դեռ երեկվա պարապմունքի ժամանակ: Ակումբը ծեծկռտուքից անմիջապես հետո արտահերթ խորհրդակցություն է անցկացրել:

«Ռեալը» կարգապահական վարույթ կսկսի խաղացողների դեմ և մտադիր է կիրառել հնարավոր առավելագույն պատժամիջոցը:

Ինչպես հայտնել է լրագրող Էդու Ագիրեն El Chiringuito-ի եթերում, միջադեպից հետո առաջին ժամանակահատվածում ուրուգվայցի ֆուտբոլիստը հիշողության հետ կապված խնդիրներ է ունեցել: