Սպերցյանի Կրասնոդարը դուրս եկավ Ռուսաստանի գավաթի եզրափակիչ

Ռուսաստանի գավաթի խաղարկությունում կայացել է «Կրասնոդար» – «Դինամո Մոսկվա» պատասխան հանդիպումը:

Մոսկվայում և Կրասնոդարում գրանցված 0:0 հաշվով ոչ-ոքիներից հետո նշանակվել է 11-մետրանոց հարվածաշար, որում ավելի ուժեղ էր Մուրադ Մուսաևի թիմը: «Կրասնոդարը» հաղթել է 6:5 հաշվով:

Տանտերերի առաջին հարվածը նշակետից անվրեպ իրացրել է Հայաստանի հավաքականի ավագ Էդուարդ Սպերցյանը:

Գավաթի եզրափակիչում «Կրասնոդարը» մրցելու է «Սպարտակի» հետ: Սպերցյանի թիմը ոսկե դուբլի հնարավորություն ունի, քանի որ Պրեմիեր լիգայի ավարտից երկու տուր առաջ գլխավորում է մրցաշարային աղյուսակը: