Ռեալի վերջնական որոշումը Վալվերդեի ու Չուամենիի կոնֆլիկտի վերաբերյալ
Մադրիդի «Ռեալը» հայտարարել է Ֆեդերիկո Վալվերդեի և Օրելյեն Չուամենիի նկատմամբ ներքին կարգապահական գործընթացի ավարտի մասին:
«Ֆուտբոլիստներն ամբողջությամբ զղջում են կատարվածի համար և ներողություն խնդրել միմյանցից: Վալվերդեն և Չուամենին ներողություն են խնդրել ակումբից, թիմակիցներից, մարզչական շտաբից և երկրպագուներից: Երկու խաղացողներն էլ հայտարարել են ցանկացած պատիժ ընդունելու պատրաստակամության մասին, որը «Ռեալը» անհրաժեշտ կհամարի:
Հաշվի առնելով այս հանգամանքները՝ ակումբը որոշել է յուրաքանչյուր ֆուտբոլիստի նկատմամբ կիրառել դրամական տուգանք՝ 500 հազար եվրոյի չափով: Սրանով ներքին կարգապահական քննությունն ավարտված է»,– գրված է իսպանական ակումբի հայտարարության մեջ:
Ուրուգվայցի կիսապաշտպանը հինգշաբթի օրը թիմային մարզման ժամանակ հանդերձարանում ծեծկռտուք է սարքել Օրելյեն Չուամենիի հետ: Արդյունքում, Վալվերդեն ընկել և գլխով հարվածել է սեղանին, ինչից հետո տեղափոխվել է հիվանդանոց, որտեղ նրան անհրաժեշտ է եղել կարեր դնել: Ընդ որում, խաղացողները սկսել էին կոնֆլիկտը դեռ նախորդ օրը: Ֆեդերիկոն գանգուղեղային վնասվածքի պատճառով բաց կթողնի մինչև 14 օր:
«Արքայական ակումբը» ծեծկռտուքից անմիջապես հետո արտահերթ խորհրդակցություն է անցկացրել, իսկ ավելի ուշ սկսել կարգապահական վարույթ:
