Երբ խաղում ես Ման․Սիթիում, տիտղոսների մասին մտածում ես ամեն օր․ Էրլինգ Հոլանդ

«Մանչեսթեր Սիթիի» նորվեգացի հարձակվող Էրլինգ Հոլանդը կիսվել է իր տպավորություններով Անգլիայի Պրեմիեր լիգայի 36-րդ տուրում «Բրենտֆորդի» նկատմամբ տարած հաղթանակից հետո (3:0):

«3:0 հաշվով հաղթելը շատ հաճելի է: Այսօր մեզ չհաջողվեց իրացնել խաղի վերջին վտանգավոր պահը: Մենք ստեղծեցինք բազմաթիվ սուր պահեր, սակայն մի շարք դեպքերում չկարողացանք դրանք ավարտել գոլով: «Բրենտֆորդը» լավ էր պաշտպանվում, նրանք որակյալ թիմ ունեն: Պրեմիեր լիգայում հեշտ խաղեր չկան, ուստի մենք շատ ուրախ ենք այս հաղթանակի համար:

Ես չեմ մտածել որևէ այլ հանդիպման մասին՝ ամբողջությամբ կենտրոնանալով մեր ընթացիկ խաղի վրա: Հաջորդ մրցավեճից առաջ ևս չենք մտածելու զուգահեռ ընթացող հանդիպումների մասին. պարզապես պատրաստվելու ենք մեր առաջիկա խաղին, որպեսզի հաղթենք: Դրանից հետո կանցնենք վերականգնողական փուլ, իսկ հետո ամեն ինչ կկրկնվի:

Եթե խաղում ես «Մանչեսթեր Սիթիում», ապա տիտղոսների մասին մտածում ես ամեն օր»,-Հոլանդի խոսքերն է մեջբերում «քաղաքաբնակների» պաշտոնական կայքը։