Մխիթարյանը մեզ համար օրինակ է, մենք ամեն օր սովորում ենք նրանից․ Լաուտարո Մարտինես
«Ինտերի» հարձակվող Լաուտարո Մարտինեսը անդրադարձել է թիմում տիրող մթնոլորտին, չեմպիոնական մրցաշրջանին և առանձնակի դրվատանքով խոսել Հենրիխ Մխիթարյանի մասին։
«Մենք բոլորս մեզ ճիշտ դրսևորեցինք, արեցինք այն՝ ինչ ասել էր մարզիչը։ Առաջնությունը դեռ չի ավարտվել, մինչև մրցաշրջանի ավարտը մնացել է երեք խաղ։ Մենք պետք է գործը հասցնենք ավարտին և պահպանենք սառնասրտությունը՝ գիտակցելով մեր մասնագիտական պատասխանատվությունը, որպեսզի «Ինտերը» մնա հնարավորինս բարձր մակարդակի վրա։
Մխիթարյանը մեզ համար օրինակ է։ Երբ խոսում եմ հորս հետ, ով նույնպես ֆուտբոլիստ է եղել, միշտ ընդգծում եմ Միկիի խոնարհությունն ու աշխատասիրությունը։ Նա փայլուն կարիերա է ունեցել և մենք ամեն օր սովորում ենք նրանից։ Հույս ունեմ, որ ապագայի վերաբերյալ նրա ցանկացած որոշում կլինի լավագույնը իր կյանքի և ընտանիքի համար։ Նա մեզ այնքան շատ բան է տվել։
Գիտեմ, որ երկու անգամ Սկուդետոն նվաճելը որպես լավագույն ռմբարկու՝ տեղի է ունեցել միայն «Մեացցայում»․ դա ինձ անշուշտ հուզում և ուրախացնում է։ Սա այն աշխատանքի և զոհողությունների արդյունքն է։ Հպարտ եմ և շնորհակալ իմ ընտանիքին։ Շնորհավորել եմ նաև Մոսկոնիին։ Վերջին շրջանում նա մարզվում է մեզ հետ և իրեն հիանալի է դրսևորում։ Նա մեծ ապագա կունենա»,-նշել է Լաուտարոն։
